Sumiiffinni assigiinngitsuni ilinniarsimassuseq
Nuna tamakkerlugu agguaqatigiissillugu ilinniagaqarsimassutsimut 38,0 pct.-iusumut naleqqiullugu Nuummi ilinniagaqarsimassuseq annertunerpaavoq, tassani innuttaasut 52,0 pct.-ii meeqqat atuarfiannit qaffasinnerusunik ilinniagaqarsimammata. Tulliupput Qaqortoq aamma Sisimiut 40,0 pct.-inik aammalu 38,3 pct.-inik annertussuseqarlutik nuna tamakkerlugu agguaqatigiissitsinermit qaffasinnerusumik inissisimasut.
2018-imi sumiiffinni meeqqat atuarfiannit qaffasinnerusumik iliniagaqarsimassutsit Ittoqqortoormiini 18,6 pct.-imiilluni Upernavimmilu 16,1 pct.-imiilluni appasinnerpaasimapput. Uummannami, Kangaatsiami, Qaanaami Tasiilamilu aamma innuttaasut meeqqat atuarfiannit qaffasinnerusumik ilinniagaqarsimassusaat sisamararterummit annikinnerusimapput.
Titartagaq 4. 2018-imi sumiiffinni innuttaasut (16-it 74-illu akornanni ukiullit) qaffasinnerpaamik ilinniagaqarsimassusaat
Nassuiaat: Ilinniarnertuunngorniarluni inuussutissarsiornermilu ilinniarnerni angusanik qaffassaanerit ilaapput.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISCPROE).